Píanó og slagverk

Tónleikar á Myrkum Músíkdögum laugardaginn 7. febrúar 2009 þar sem splunkuný verk verða frumflutt fyrir slagverks - og píanódúó. Flytjandi ásamt undirritaðri er Frank Aarnink, slagverksleikari. Höfundar verka eru Anna S. Þorvaldsdóttir, Karólína Eiríksdóttir, Áki Ásgeirsson, Páll Ivan Pálsson og Steingrímur Rohloff. Í Hafnarborg kl: 17

Messiaen og fuglarnir

Þann 10. desember er aldarafmæli tónskáldsins Olivier Messiaen. Af því tilefni efnir Tinna til hádegistónleika á vegum tónlistardeildar Listaháskóla Íslands á sjálfan afmælisdaginn. Þar verða fluttar tvær af Fuglabókum Messiaens, Catalogue d´Oiseaux, nr. 3 og 5 og sagt örlítið frá þeim. Tónleikarnir byrja kl: 12.15 miðvikudaginn 10. desember og eru haldnir í Sölvhóli. Aðgangur er ókeypis
LHÍ

Messiaen Festival Stavanger

Leik L´Alouette Calandrelle úr Fuglabókum Olivier Messiaens (Catalogue d´Oiseaux) á opnunarhátíð ráðstefnunnar á Messiaen Festival Stavanger. 19. nóvember kl: 10 í Lille konsertsal, Bjergsted
Messiaen Festival Stavanger

Míkrópera

Frumflutt er míkróperan Átt-Atvinnuvegur eftir Tryggva M. Baldvinsson ásamt Ingibjörgu Guðjónsdóttur, sópran, á hátíðarsamkomu í tilefni afmælis Bessastaðaskóla, laugardaginn 4. október kl: 14 í hátíðarsal Íþróttahúss Álftaness

Njúton flakkar

Njúton fer á flakk í sumar: Listasumar á Akureyri, tónleikar í Reykjavík og Sumartónleikar í Skálholti.
-Listasumar á Akureyri, föstudaginn 25. júlí kl: 12 í Ketilhúsinu, Akureyri. Tveir frumflutningar:
Þuríður Jónsdóttir: Pes
Karólína Eiríksdóttir: Stjörnumuldur
Þráinn Hjálmarsson: _4 frumflutningur
Ragnhildur Gísladóttir: Arnold
María Huld Markan Sigfúsdóttir: Estremadura frumflutningur
-Tónleikar í Reykjavík, sunnudaginn 27. júlí kl: 16, Grettisgötu 18: Sama dagskrá, auk verksins Granit Games eftir Misti Þorkelsdóttur fyrir píanó. Tónleikarnir eru styrktir af Hlaðvarpanum, Menningarsjóði kvenna á Íslandi
-Sumartónleikar í Skálholti, laugardaginn 2. ágúst kl: 21
Flytjendur: Hildur Ársælsdóttir, sög og fiðla, Berglind María Tómasdóttir, flauta, Grímur Helgason, klarinett, Tinna Þorsteinsdóttir, píanó, Frank Aarnink, slagverk
Njúton

Við Djúpið 2008

Tinna og Una Sveinbjarnardóttir, fiðluleikari, koma fram á tónlistarhátíðinni Við Djúpið í sumar. Um er að ræða hádegistónleika mánudaginn 23. júní í Bryggjusal Edinborgarhússins á Ísafirði kl: 12.10. Efnisskráin er af óvenjulegum toga: Sónata eftir jazzpíanistann Keith Jarrett fyrir fiðlu og píanó, en hún er hér frumflutt á Íslandi, Recitativo e Arioso eftir Witold Lutoslawski fyrir fiðlu og píanó og Hugleiðing eftir Karólínu Eiríksdóttur fyrir fiðlu
Við Djúpið

Njúton - Indigenous Music

Á seinni tónleikum Njútons, sunnudagskvöldið 8. júní kl: 20.00 í Fríkirkjunni, verður minning Íslandsvinarins og tónskáldsins Stephen Lucky Mosko heiðruð. Mosko kom fyrst til Íslands snemma á 8. áratugnum og sótti síðan innblástur í íslenska tónlistarhefð. Hann kenndi um árabil við hinn víðfræga listaskóla CalArts, þar sem tónskáldin Hilmar Þórðarson og Kolbeinn Einarsson voru meðal nemenda hans. Á tónleikunum verður flutt stórvirki Moskos, Indigenous Music II, fyrir 11 manna hóp hljóðfæraleikara. Einnig heyrast Sononymus fyrir píanó - meitlað í stein eftir Hilmar Þórðarson, 18 V (frumflutt) fyrir flautu og píanó eftir Kolbein Einarsson og Fluff and Drama eftir Atla Heimi Sveinsson
Njúton
Bedroom Community

Njúton og Bedroom Community

Þann 6. og 8. júní 2008 slá tónlistarhópurinn Njúton og útgáfufyrirtækið Bedroom Community saman í tónleika í Fríkirkjunni í Reykjavík. Á tónleikunum heyrist spennandi samsuða af íslenskri og bandarískri tónlist; allt frá þjóðlagatónlist til þarlendrar og hérlendrar samtímatónlistar. Á fyrri tónleikunum, föstudaginn 6. júní kl: 21.00, flytur Njúton klassísk kammerverk frá 7. áratug síðustu aldar: Eleven Echoes of Autumn, 1965 (Echoes I) eftir George Crumb og Durations 1 eftir Morton Feldman. Valgeir Sigurðsson og Sam Amidon stíga jafnframt á stokk og flytja efni af nýjum plötum sínum, Ekvílibríum og All Is Well, ásamt félögum úr Njúton
Njúton
Bedroom Community

Morton Subotnick

Tónleikar á Raflost raflistahátíðinni. Flutt verða ný verk Mortons Subotnicks: The Other Piano (2007) fyrir píanó og tölvuhljóð og rafverkið Until Spring Revisited (2008). Í Sölvhóli, tónleikasal Listaháskóla Íslands, Sölvhólsgötu, fimmtudaginn 1. maí kl: 20.00
Raflost
Morton Subotnick

Frumflutningur á tónverkinu Stjórnarskrá Lýðveldisins Íslands

Laugardaginn 15. mars klukkan 14:00 verður tónverkið Stjórnarskrá Lýðveldisins Íslands frumflutt í Ketilhúsinu í Listagilinu á Akureyri. Verkefnið er samstarfsverkefni myndlistardúósins Libiu Castro og Ólafs Árna Ólafssonar og tónskáldsins Karólínu Eiríksdóttur. Flutningurinn er liður í myndlistarsýningunni Bæ-Bæ Ísland sem opnar klukkan 15:00 í Listasafninu á Akureyri. Verkið er skrifað fyrir tvo einsöngvara, píanó, kontrabassa og blandaðan kór og flytjendur verksins eru: Ingibjörg Guðjónsdóttir, sópran, Bergþór Pálsson, baritón, Tinna Þorsteinsdóttir, píanó, Gunnlaugur Torfi Stefánsson, kontrabassi og kammerkórinn Hymnódía frá Akureyri undir stjórn Eyþórs Inga Jónssonar.

París II

Tónleikar í Cité Internationale des Arts í París 26. febrúar 2008 kl: 20.30 í Salle Edmond Michelet. Efnisskráin inniheldur verk eftir Karólínu Eiríksdóttur: Partíta (píanó), Flautuspil og Sónata fyrir gítar, flutt af Tinnu, Hafdísi Vigfúsdóttur og Ögmundi Þór Jóhannessyni
Karólína Eiríksdóttir
citedesartsparis.net

Berkeley

Tónleikar með Berglindi Maríu Tómasdóttur, flautuleikara, þann 10. febrúar 2008 kl: 16.00 í Maybeck Studios, Berkeley, CA
Berglind María

Bang on a Can maraþon

Performans á Bang on a Can maraþoninu í San Francisco ásamt Berglindi Maríu Tómasdóttur, flautuleikara, í Yerba Buena Center for the Arts þann 9. febrúar 2008 í Forum salnum, kl: 13.15
Bang on a Can
ybca.org

Njúton á Myrkum

Tónleikar Njútons á Myrkum Músíkdögum verða í Iðnó þann 5. febrúar 2008 kl: 20.00. Frumflutt verða verk eftir Simon Steen-Andersen, Karólínu Eiríksdóttur og Guðmund Stein Gunnarsson. Önnur verk eiga tónskáldin Steingrímur Rohloff, Samson Young og Annie Gosfield, en þau verk eru frumflutt á Íslandi
Myrkir Músíkdagar

París

Tónleikar í Cité Internationale des Arts í París 8. janúar 2008 kl: 20.30 í Salle Edmond Michelet. Efnisskrá: Catalogue d'Oiseaux, bók V eftir O. Messiaen, Partíta eftir Karólínu Eiríksdóttur, Granit Games eftir Misti Þorkelsdóttur
citedesartsparis.net

CD útgáfa Tinnu

Fyrsti sóló diskurinn, Granit Games, kemur út 13. desember 2007 hjá Smekkleysu. Þetta er alíslenskur píanódiskur - frá þjóðlögunum til fartölvunnar. Öll verkanna nema eitt eru samin fyrir Tinnu og voru flest frumflutt á Myrkum músíkdögum árið 2005. Tónskáldin sem verk eiga er fjölbreytilegur hópur: Mist Þorkelsdóttir, Kolbeinn Einarsson, Jón Leifs, Hilmar Þórðarson, Þorsteinn Hauksson, Áskell Másson og Steingrímur Rohloff. Í þremur verkanna fær Tinna sér meðleikara, sem er tölvan. Þetta eru fyrstu upptökur sem gerðar hafa verið af öllum verkunum nema verki Jóns Leifs og fóru þær fram nokkra daga í ágúst 2006. Sveinn Kjartansson sá um upptökur

Smekkleysa

CD útgáfa Njútons

Smekkleysa gefur út fyrsta geisladisk Njútons sem ber nafnið Roto con moto. 7. desember næstkomandi verður útgáfu plötunnar fagnað í Smekkleysubúðinni við Laugaveg milli klukkan 17 og 19. Þar verður platan til sölu á sérstöku kynningarverði og boðið verður upp á léttar veigar
Smekkleysa
Njúton

Hátíðarsamkoma Bessastaðaskóla

Bessastaðaskóli - vagga íslenskrar menningar, er heitið á samkomunni, en tilefnið er rúmlega 200 ára afmæli Bessastaðaskóla. Frumflutt verður verkið Njóla eftir Karólínu Eiríksdóttur ásamt Ingibjörgu Guðjónsdóttur, sópran. Í hátíðarsal íþróttahúss Álftaness, 1. desember 2007 kl: 14.00
Karólína Eiríksdóttir

Húgó á UNM 07

Strengjakvartettinn Húgó [Una Sveinbjarnardóttir, fiðla, Hrafnhildur Atladóttir, fiðla, Guðrún Hrund Harðardóttir, víóla, Hrafnkell Orri Egilsson, selló] heldur tónleika á UNM hátíðinni ásamt undirritaðri. Verk eiga m.a. Atli Heimir Sveinsson, Jeppe Just Christensen og Emil Bernhardt. Iðnó, 5. september 2007 kl: 20.00
UNM á Íslandi

Ung Nordisk Musik 2007

UNM hátíðin fer fram á Íslandi í ár, en þar verður fluttur aragrúi af nýjum verkum eftir ung norræn tónskáld. Söngtónleikar 3. september 2007 í Norræna Húsinu kl: 20.00, þar sem Herdís Anna Jónasdóttir, sópran, Sigurgeir Agnarsson, selló og undirrituð flytja Quaint eftir ungt norrænt tónskáld, Nicolai Worsaae
UNM á Íslandi

Barlow og S.L.Á.T.U.R.

Samtökin S.L.Á.T.U.R. standa fyrir tónleikum með verkum eftir Clarence Barlow í tilefni veru hans á landinu. Frumflutt verður verk hans Septima de Facto, en auk þess heyrist verkið Sachets des siseaux insatiables, bæði fyrir sjö hljóðfæraleikara. Önnur verk eru Skula eftir Guðmund Stein Gunnarsson og SOOSSOOS fyrir píanó og fjóra hátalara eftir Áka Ásgeirsson. Anima Gallerí, 7. júlí 2007 kl: 20.00

Alþjóðlegir Atondagar

Alþjóðlegir Atondagar: Ísland vs. Bali í Fríkirkjunni, þann 27. júní 2007 kl: 20.00. Hér eru klarínettuleikarinn og tónskáldið Evan Ziporyn og Gamelansérfræðingurinn og tónskáldið Christine Southworth í fyrirrúmi. Auk þess heyrist verkið Speak! At-man f. flautu og píanó e. Ziporyn í flutningi Berglindar Maríu Tómasdóttur flautuleikara og undirritaðrar
Aton
Evan Ziporyn
Christine Southworth

Rás 1 við Djúpið í beinni

Jónsmessutónleikar Ríkisútvarpsins í beinni þann 23. júní 2007 í Hömrum kl: 21.00, Ísafirði. Listamenn tónlistarhátíðarinnar Við Djúpið koma fram og undirrituð flytur píanóverkið Sonatinna eftir ísfirska tónskáldið Jónas Tómasson og fremur að auki gjörning með tónlistarhópnum ATON
Við Djúpið

Við Djúpið 2007

Tónleikar Atons, Evan Ziporyns og Christine Southworth á tónlistarhátíðinni Við Djúpið. Íslensk samtímatónlist/verk e. Evan Ziporyn/Gamelan tónlist frá Bali. Bræðingur! Edinborgarhúsið, Ísafirði, kl: 20.00, 22. júní
Við Djúpið
Evan Ziporyn
Christine Southworth

Listahátíð í Reykjavík 2007

Fimm ný íslensk píanóverk frumflutt á Listahátíð í Reykjavík 2007. Tónskáldin sem eiga verk á tónleikunum eru Karólína Eiríksdóttir, Hilmar Þórðarson, Jónas Tómasson, Áki Ásgeirsson og Gunnar Andreas Kristinsson. Hér má heyra hefðbundinn píanóleik í bland við elektróník í ýmsum spennandi myndformum. Í Ými, þann 24. maí kl: 20.00
Listahátíð í Reykjavík

Listahátíð 2007 í Laugarborg

Fjögur ný íslensk píanóverk á Listahátíð í Reykjavík 2007, dagskráin er frumflutt á Norðurlandi í Laugarborg í Eyjafjarðarsveit. Tónskáldin sem eiga verk frumflutt á tónleikunum eru Karólína Eiríksdóttir, Hilmar Þórðarson, Jónas Tómasson og Gunnar Andreas Kristinsson. Auk þess má heyra verkið Granit Games eftir Misti Þorkelsdóttur. Laugarborg, þann 22. maí kl: 20.00
Listahátíð í Reykjavík

15:15 Caput Sprotar

Caput Sprotar er heitið á þessum tónleikum í 15:15 seríunni í Norræna húsinu. Leikin eru ný verk eftir ný tónskáld, innlend og erlend. M.a. verkið Symplegade eftir hina ungu rúmönsku Díönu Rotaru fyrir flautu, slagverk og píanó, þann 29. apríl 2007 í Norræna húsinu kl: 15.15
Caput

Lavaland í Köben

Tónleikar með íslenskri píanótónlist + elektróník á myndlistarsýningunni Lavaland í GL Strand nútímalistagalleríinu í Kaupmannahöfn, þann 1. mars 2007 kl: 20.30. Hægt verður að skoða sýninguna fyrir og eftir tónleikana með verkum Ólafs Elíassonar og Kjarvals
GL Strand

Myrkir 07 Atón

Tónleikar hjá Atón á Myrkum Músíkdögum í Listasafni Íslands, þann 23. janúar kl: 20.00. Íslensk kammerverk
Atón

Norrænir Músíkdagar 06

Atón kemur fram á Norrænum Músíkdögum 2006 þann 9. október í Sölvhóli, sal Listaháskóla Íslands kl: 20.00. Íslensk og skandinavísk kammerverk, m.a. frumflutt Vibrancy eftir Steingrím Rohloff og þar heyrast Attitude eftir Lene Grenager og Failure f. undirbúið píanó, teip og vídeó eftir Kaj Aune
Atón

Norrænir Músíkdagar 06

Kammertónleikar CAPUT tónlistarhópsins á Norrænum Músíkdögum 2006, þann 6. október í Salnum kl: 19.00. Skandinavísk kammerverk, m.a. Kvartett e. hinn sænska Per Mårtensson f. flautu, fiðlu, selló og píanó
CAPUT

Við Djúpið 2006

Einleikstónleikar á tónlistarhátíðinni Við Djúpið á Ísafirði. Efnisskráin samanstendur af verkum eftir Jón Leifs, Edvard Grieg, Misti Þorkelsdóttur, Áskel Másson og Þorstein Hauksson. Þann 22. júní 2006 kl: 20.00 í Hömrum á Ísafirði
Við Djúpið

Bergen listahátíðin 2006

Einleikstónleikar á Bergen listahátíðinni 2006 í tónleikaröðinni Unge talenter. Efnisskráin samanstendur af verkum eftir Jón Leifs og önnur íslensk tónskáld, m.a. með elektróník, og norska tónskáldið Edvard Grieg. Tónleikarnir fara fram á Grieg safninu Troldhaugen, þar sem tónskáldið var til heimilis, nánar tiltekið í Troldsalen þann 2. júní 2006 kl: 11.30
Listahátíðin í Bergen
Edvard Grieg Museum Troldhaugen

Tónleikaferð Atóns til USA

Atón heldur í tónleikaferð í apríl til Bandaríkjanna.
5. apríl í The Lily Pad, Inman Square, 1355 Cambridge Street, Cambridge, MA. Tónleikar ásamt Know Trio.
6. apríl á 21 Grand, 416 25th Street (at Broadway), Oakland, CA.
9. apríl í Mills College, 5000 MacArthur Boulevard, Oakland, CA.
10. apríl í Stanford University, Center for Computer Research in Music and Acoustics (CCRMA), 541 Lasuen Mall, Stanford, CA.
12. apríl í CalArts, 24700 McBean Parkway, Valencia, CA.
15. apríl í University of California, San Diego, Center for Research in Computing and the Arts, 9500 Gilman Drive La Jolla, CA.

Atón
Know Trio

Náttúruljóð

Einleikstónleikar á Myrkum Músíkdögum 2006. Tileinkaðir náttúrunni, píanóinu og listamanninum Dieter Roth. Samvinnuverkefni með ameríska tónskáldinu Greg Davis sem kemur einnig fram. Hugtakið “undirbúið píanó” er endurvakið og í sumum verkanna er fengist við að búa til nýtt hljóðfæri. Á tónleikunum sameinast hið hljóðræna og myndræna (m.a. vídeólistaverk) og ný tækni kemur fram. Heiðursgestur tónleikanna er flygill Dieters Roths sem var fenginn með góðfúslegu leyfi að láni hjá Birni Roth fyrir tónlistargjörning í anda listamannsins. Fær hann hér að hljóma list hans til heilla. Efnisskrá: George Crumb: Úr Makrokosmos II, Greg Davis: Emptying fyrir undirbúið píanó - ísl. útgáfa tileinkuð Dieter Roth, Sea Chime fyrir undirbúið píanó frumfluttt, River Thought fyrir harmónikku og tölvu frumflutt, Giacinto Scelsi: Quattro Illustrazioni og Hilmar Þórðarson: Sononymus - meitlað í stein - fyrir píanó og tölvu frumflutt. Í Ými, þann 8. febrúar kl: 20.00
Dieter Roth
Greg Davis

Atón á Myrkum 2006

Tónleikar Atóns á Myrkum Músíkdögum 2006 í Ými, þann 4. febrúar kl: 20.00, fullt af íslenskum frumflutningum
Atón

Jóla- og nýárstónleikar Atóns

Jóla-og nýárstónleikar Atóns í Iðnó, þann 30. desember 2005 kl: 20.30.
Fullt af íslenskum frumflutningum
Atón

Útgáfutónleikar L'amour fou

Út er kominn fyrsti geisladiskur salon-/tangóhljómsveitarinnar L'amour fou: -Íslensku lögin-. Í tilefni þess heldur sveitin útgáfutónleika í Þjóðleikhúskjallaranum, 15. desember 2005 kl: 21.00
L´amour fou

Portrett Karólínu Eiríksdóttur

Portretttónleikar með verkum Karólínu Eiríksdóttur í Listasafni Íslands, 8. október 2005. Þar verða m.a. flutt verkin Miniatures, Renku, Capriccio og frumflutt Strenglag fyrir víólu og píanó. Flytjendur eru Guðrún Hrund Harðardóttir, víóla, Una Sveinbjarnardóttir, fiðla, Hrafnkell Orri Egilsson, selló, Ingólfur Vilhjálmsson, klarínett ásamt fl.
Karólína Eiríksdóttir

Peking

Tvennir einleikstónleikar á vegum íslenska sendiráðsins í Kína. Dagskráin er íslensk, norræn og kínversk. Í Summit Club á Kaiserflygilinn 17. og 18. júní 2005
http://www.iceland.org/cn/index.html

Frankfurt IEMA

Flutningur á Ikarus fyrir píanó og tölvuhljóð eftir Steingrím Rohloff hjá Internationale Ensemble Modern Akademie, Haus der Deutschen Ensemble Akademie, Frankfurt, 31. maí 2005

Frederiks Bastion í Köben

Flutningur á píanóverkinu Fantasiestück eftir Áskel Másson á stofntónleikum kammerkórsins Stöku, 19. maí 2005 í Frederiks Bastion, Kaupmannahöfn
Staka

Norrænu sendiráðin í Berlín

Píanótónleikar í húsi norrænu sendiráðanna í Berlín. Flutt verða ný íslensk píanóverk eftir Misti Þorkelsdóttur, Áskel Másson, Þorstein Hauksson, Steingrím Rohloff og Kolbein Einarsson. Felleshus - Auditorium þann 11. maí 2005
Norrænu sendiráðin

Nordischer Klang 2005

Píanótónleikar á hátíðinni Nordischer Klang í Greifswald í Þýskalandi 5. maí, en þeir eru opnunartónleikar hátíðarinnar. Flutt verða ný íslensk píanóverk eftir Misti Þorkelsdóttur, Áskel Másson, Þorstein Hauksson, Steingrím Rohloff og Kolbein Einarsson
Nordischer Klang

Píanóið í nýju ljósi

Einleikstónleikar á Skíðavikunni á Ísafirði í Hömrum þann 23. mars 2005. Á efnisskránni eru verk frá 20. og 21. öldinni, innlend sem erlend er leyfa píanistanum að fást við óhefðbundin form og tækni

15:15

Einleikstónleikar á 15:15 tónleikaseríunni í Borgarleikhúsinu þann 19. mars 2005. Fyrir hlé verður fluttur fyrri helmingur Sonatas and Interludes eftir John Cage og Guero eftir Helmut Lachenmann. Eftir hlé eru For Prepared Piano eftir Christian Wolff, Piano Piece (to Philip Guston) og Intermission 5 eftir Morton Feldman og Quattro Illustrazioni eftir Giacinto Scelsi. Fjöldafrumflutningar á Íslandi

Myrkir Músíkdagar 2005

Einleikstónleikar á Myrkum Músíkdögum 5. febrúar. Frumflutt verða 5 íslensk píanóverk, sum hver með elektróník, eftir 5 íslensk tónskáld í Salnum, Kópavogi. Tónskáldin sem verk eiga eru: Mist Þorkelsdóttir, Kolbeinn Einarsson, Áskell Másson, Þorsteinn Hauksson og Steingrímur Rohloff